2017 წლის მრავალფეროვნების სკოლაში განცხადებების მიღება უკვე დაიწყო. სააპლიკაციო ფორმა და განაცხადი შეგიძლიათ იხილოთ აქ. ველით თქვენს აპლიკაციებს 20 მარტამდე. 
წლევანდელი პროგრამის აქტივობების განრიგიც ხელმისაწვდომია. 

 კეთილი იყოს თქვენი მობრძანება მრავალფეროვნების სკოლაში!

მრავალფეროვნების სკოლა არის საგანმანათლებლო, აქტიური მოქალაქეობის პროგრამა, რომელიც 2012 წელს შეიქმნა.

მრავალფეროვნების სკოლას სურს, ხელი შეუწყოს საქართველოში პლურალისტური საზოგადოების ჩამოყალიბებასა და დემოკრატიული ღირებულებების განმტკიცებას. ეს არის პროგრამა ახალგაზრდებისთვის, ვისაც აინტერესებთ სამოქალაქო აქტივიზმი, სურთ, უნარ-ჩვევების განვითარება და საკუთარი იდეების განხორციელება.

მრავალფეროვნების სკოლას ახორციელებს ქართული არასამთავრობო ორგანიზაცია ირის ჯგუფი - მრავალფეროვნების მართვა, რომელიც პროგრამა Theodor-Heuss-Kolleg-ის ფარგლებში თანამშრომლობს Robert Bosch Stiftung-სა და გაერთიანება MitOst-თან. მრავალფეროვნების სკოლას აფინანსებს გერმანიის საგარეო საქმეთა სამინისტრო, პროგრამა zivik - Civil Conflict Resolution-ის ფარგლებში.

 

მრავალფეროვნების სკოლა არის პროგრამა Joint Civic Education-ის პროდუქტი.

თუ გსურთ, თავად ნახოთ, როგორ მუშაობს Joint Civic Education, გადადით ბმულზე.